Wednesday 22 April 2009

بسم الله ، نفتتح المدونة

بسم الله الرحمن الرحيم

السلام عليكم و رحمة الله و بركاته

أهلا و سهلا بك فى مدونتى المتواضعة اللى ربنا هدانى لأنى أعملها بعد وقت من التفكير،.... و بما إن ده أول بوست لى فأحب أوضح حاجة أساسية، وهى: إيه ده؟؟ ايه المدونة دى؟ و إيه الاسم العجيب ده ( ده لو كنت شايفه عجيب)؟
تأثير الفراشة ده اسم نظرية كده بتقول:"إن تحرك اجنحة فراشة فى البرازيل، ممكن يؤدى لإعصار فى أميركا"!!!! أييييييوه...ده بجد ، النظرية فعلا بتقول كده ،إزاى الكلام ده؟
بقى العالم اللى قال كده كان اسمه (إدوارد لورينز) وبيشتغل فى الأرصاد الجوية و توقعات المناخ ،و فى عمله ، أثناء ما كان بيدخل البيانات فى الكمبيوتر راح مدخل بيان
بالرقم 0,506 بدل ما يدخل الرقم الأصلى اللى هوه 0,506127 يعنى من باب الاختصار و حس إنها مش هتفرق قوى يعنى ، و هنا كانت المفاجأة...... و اندهش العالم بأن النتائج لتوقعات المناخ هتطلع مختلفة تمااااااما ، و كل ده بسبب رقم بسيط جدا يمثل 127 على مليون، يعنى لو اختلاف بسييييط جدا حصل فى الجو( و الاختلاف ده ممكن جدا اللى يسببه هو حركة من جناح فراشة) يبقى هيؤدى فى النهاية لاختلاف كبيير جدا فى النتائج ينتج عنه تأخير أو تعجيل حدوث إعصار أو منع حدوثه أو حتى التحفيز على حدوث الإعصار!!!!!!! ،سبحان الله..فعلا كل شىء بقدر

فلما نفكر فيها كده هنلاقى إن ده معناه إن أصغر الأسباب ممكن تؤدى لأكبر النتائج، و ده مش بس فى المناخ، لأ ....لما تبص كده شوية فى حياتك و تتأمل فيها حبتين و ترجع بالذاكرة ، ممكن تلاقى حاجات مهمة و جامدة جدا حصلت فى حياتك كان سببها حاجة بسيطة و صغيرة جدا جدا جدا و ممكن تكون الحاجة الصغيرة دى مجرد كلمة سمعتها أو قرأتها (و طبعا كله بترتيب من ربنا سبحانه و تعالى، هيه بس أسباب) فمن أجل ذلك ومن موقعى هذا فكرت انه : ما يمكن كلمة تتكتب هنا تعمل تأثير في حد كده زى تأثير الفراشة؟ أوممكن حد يعلق و يقول حاجة تؤثر فىَ زى تأثير الفراشة؟؟ و الله....ليه لأ؟؟، يعنى هى الفراشة تكون إيجابية و احنا لأ؟؟؟؟
بيتهيألى كده إن الصورة وضحت و الرؤية بانت ،.......
فاضل إيه؟
فاضل حاجة كده ربنا ألهمنى بيها من كتر ما الفكرة سيطرت على دماغى و شغلت أفكارى
ألا و هى:

قالو الناس، فراشة إيه.......اللى هتيجى فى يوم و تأثر
جالهم عالم فكره اتغير.......قال لك لأه أنا اللى هفسر
دى لو بجناحها ضربت نسمة......تجيب إعصار يشيل و يكسر
فمهما صغرت لها تأثيرها........اللى يوصل لحاجات أكتر
يعنى الكلمة الصادقة مسيرها.......تيجى فى يوم تنفع و تكبر
يبقى خلاص..نتكلم..نكتب ......... قبل ما نيجى فى يوم نتحسر

25 comments:

  1. بوست شامل

    يعني كده خفيف

    وعلمي

    وشيق

    برافو عليكي ... مبدعة يا نهي

    ReplyDelete
  2. ربنا يكرمك يا رب يا ميمى،و انت لفت نظرى لحاجات مهمة، اتمنى أكون عند حسن ظنك بإذن الله ،جزاك الله خيرا

    ReplyDelete
  3. مبروك عليكى نهى ومبروك علينا كلنا بجد دى حقيقة
    ربنا يوفقك

    ReplyDelete
  4. ماما مازن
    الله يبارك فيكى :)، ربنا يكرمك
    ربنا يجعلنى أهل للثقة دى،اللى بعتز بيها جدا
    و يارب دايما كده منورانى
    جزاك الله ألف خير

    ReplyDelete
  5. جميلة فكرة المدونة ...

    كم أحب الاختلاف ...

    وكم أعجب بمن يصدق الأمل ...

    ولا يتعجب من النتائج حتى لو كان سببها حركة فراشة قد تبدو بسيطة ...

    رائعة الفكرة ...

    وتلك هي أول المواضيع التي أقرأها ..

    و أتمنى المداومة على الأفكار الجميلة تلك ...

    ومدونة جميلة جدا تستحق المتابعة ان شاء الله ..

    ReplyDelete
  6. moro_wbs
    سعيدة جدا برأى حضرتك، و ان الفكرة أعجبتك

    و فعلا،لابد من الأمل، و كلما ضاقت أكثر،لابد أن يزداد الأمل أكثر و أكثر، أليست الأشياء بالضد تظهر؟

    و بإذن الله، أجتهد فى هذه المدونة لأكون أهلا لهذه الثقة

    جزاك الله خيرا

    ReplyDelete
  7. جمييييييييييييييييييييييييييله جداااااااااااااااااا
    ومميزه بجد
    حتى أسلوبك جميييييييل

    والصراحه أول حاجه شدتني في المدونه
    هي تعريفك لشخصيتك

    إنسانة قبل أى شىء،فى دماغى أفكار كتير و أحلامى ممكن تكون أكتر

    أولا بالنسبه لإنسانه قبل كل شىء
    دي ياريت الناس بس تفهمها كويس
    لأن كتير في ناس بتتعامل معانا بدون آدميه

    وربنا يارب يحققلك كل إللي بتتمنيه وبتمنالك مزيد من التميز

    إيمان أيمن
    الجيزه

    ReplyDelete
  8. جمييييييييييييييييييييييييييله جداااااااااااااااااا
    ومميزه بجد
    حتى أسلوبك جميييييييل

    والصراحه أول حاجه شدتني في المدونه
    هي تعريفك لشخصيتك

    إنسانة قبل أى شىء،فى دماغى أفكار كتير و أحلامى ممكن تكون أكتر

    أولا بالنسبه لإنسانه قبل كل شىء
    دي ياريت الناس بس تفهمها كويس
    لأن كتير في ناس بتتعامل معانا بدون آدميه

    وربنا يارب يحققلك كل إللي بتتمنيه وبتمنالك مزيد من التميز

    إيمان أيمن
    الجيزه

    ReplyDelete
  9. كلام جميل ورقيق ومقنع جدا وممكن تنفيذه ببعض الجهد الأقتناع الداخلي وربنا يجازيك خير عن كل ما تعلمته وبتحاولي تعمليه.

    ReplyDelete
  10. Eman Ayman

    ربنا يجزيكى كل خير، و الحقيقة انت أول واحدة تعلق لى على تعريف الشخصية، و دى كانت مفاجأة جميلة بالنسبة لى
    و فعلا معاكى حق، نتمنى إن كل أنسان،يتذكر إنه أولا و أخيرا و قبل أى شىء........إنسان

    ربنا يتقبل دعائك الجميل، و لك مثله إن شاء الله

    جزاك الله ألف خير

    ReplyDelete
  11. Mrs.mohga

    أشكرك على كلامك الرقيق، و جميلة جدا جملة:(الاقناع الداخلى) لأن فعلا، مهم جدا إن الانسان يبذل مجهود مع نفسه

    جزاك الله ألف خير على تعليقك و تشجيعك

    ReplyDelete
  12. لقد حصلت على معجب

    ReplyDelete
  13. Tough Mind
    يسعدنى إعجاب حضرتك بمدونتى المتواضعة
    جزاك الله كل خير

    ReplyDelete
  14. زقطـوطـة
    :) :)
    ربنا يكرمك و يفتح لك أبواب كل خير

    ReplyDelete
  15. This comment has been removed by the author.

    ReplyDelete
  16. انا الاول كنت فاكر ان الاسم ده تيمنا باسم فيلم له نفس الاسم

    بس عموما انا عجبتني الظرية مع انها غريبه شوية

    شكرا عالاضافة الثرية دي

    ReplyDelete
  17. أبو ضـيـاء
    ==========
    أهلا بك

    إذا كنت تقصد فيلم تأثير الفراشة لـ أشتون كوتشر فالحقيقة إن الفيلم نفسه متسمى تيمنا بالنظرية اللى ذكرتها فى البوست ، لأن البطل كان بيرجع للماضى و يعمل تغيير بسييييط جدا فى حدث من أحداث حياته ، ثم يعود للحاضر ليفاجأ إن حياته و حياة من حوله تغيرت تمامااااا بسبب حاجة بسيطة غيرها فى الماضى ، و هى بالضبط فكرة تأثير الفراشة
    (إن أصغر الأسباب ممكن يؤدى إلى أكبر النتائج)


    فالهدف من الفيلم كان الانسان يتأمل الاحداث الصغيرة اللى بتحصل فى حياته و إزاى إنها ممكن تغير حياته و حياة من حوله للأبد
    لكن صناع الفيلم لم يشرحوا -فى التتر مثلا- نظرية تأثير الفراشة بهذا الشكل العلمى و علاقتها باسم الفيلم لأنها نظرية مشهورة فى أمريكا ، فاعتمدوا على إن الناس عارفينها ضمنيا

    أشكر حضرتك على رأيك و تشجيعك و على تواجدك اللى حقيقى أسعدنى


    ، و يدوم التواصل بإذن الله

    جزاك الله خيرا

    ReplyDelete
  18. مدونة حلوة اوي
    يعطيكي الف عافية يا دكتورة نهى
    تمنياتي لك بالتوفيق
    عزة

    ReplyDelete
  19. أميرة الورد
    ==========

    ألف مليون أهلا و سهلا بك و بأهل فلسطين الحبيبة

    أشكرك على رأيك و على زيارتك اللى أسعدتنى

    ربنا يعزك و يبارك فيكى

    تحياتى الشديدة لأهلنا فى غزة و فى فلسطين

    سعدت بزيارتك الأولى للمدونة و بإذن الله يدوم التواصل

    وفقك الله لكل خير

    جزاك الله خيرا

    ReplyDelete
  20. بارك الله فيكِ
    مدونة حلوة و ربي يوفقك دووووووم

    عسى ان نكون كالفراشة لنا اثر كبير في عالمنا

    دمتي بود تقبلي مروري

    ReplyDelete
  21. و أدي تأثير الفراشة تاني

    http://sa7y.blogspot.com/search/label/%D8%AA%D8%A3%D8%AB%D9%8A%D8%B1%20%D8%A7%D9%84%D9%81%D8%B1%D8%A7%D8%B4%D8%A9

    ReplyDelete
  22. افضل شركه تسويق الكترونى

    ReplyDelete