هل عدى عليك وقت من الأوقات لقيت نفسك بتقول"أنا متضايق،بس مش عارف ليه"؟؟ أو زهقان أو فرحان أو قلقان...يعنى عدى عليك إحساس معين بس مش عارف سببه و مش عارف جه منين؟؟؟؟؟ ، و لو كان الاحساس ده سلبى-زى الضيق أو الزهق- بتحاول إنك تخلص منه، فتلاقى السؤال المنطقى اللى بيطرح نفسه: "طب هوه أنا متضايق ليه؟؟؟؟" ، الموضوع ده ممكن يبقى له أكثر من سبب، بس الغالب فى سبب أساسى جدااااااا.
بص بقى... وخذها قاعدة: "أى إحساس فى الدنيا بيكون نتيجة للإفكار" ، مش بتلاقى نفسك ممكن تكون قاعد لوحدك فى أمان الله و تفتكر أحداث اليوم و تقف عند حدث معين ضايقك جدا،فتلاقى نفسك اتضايقت و لما حد يجى ساعتها يكلمك تلاقى نفسك اتنرفزت عليه،أو رديت رد بايخ أو حتى بكيت (يعنى حسب طبيعة شخصيتك)، و لو قعدت مع نفسك برضه فى أمان الله ممكن تفتكر حاجة مبهجة أو موقف مضحك حصل و من غير ما تاخد بالك تلاقى نفسك بتبتسم أو حتى بتضحك بصوت عالى ؟؟ و مش بعيد كمان أكون دلوقتى فكرتك بموقف حصل و لقيت نفسك بتبتسم و انت بتقرا.....كلللل المواقف دى و غيرها كتير جدا بيوضح اللفة اللى بتحصل جوة الإنسان: إنه الأول بيفكر فى حاجة و الحاجة الأولانية تفكره بالحاجة التانية، و التانية تفكره بالتالتة،...و هكذا، و الأفكار دى هتوصل له إحساس معين هيشعر بيه، و اللى على أساسه هيتصرف و ينتج السلوك.
كلام جميل....يبقى لما الإنسان بيشعر بإى إحساس، أكيد قبلها كان فيه أفكار فكر فيها و هى اللى وصلته للإحساس ده، يبقى لو عايزين نعرف إجابة السؤال " أنا متضايق ليه؟" يبقى لازم نسأل الأول:"أنا فكرت فى إيه خلانى أتضايق كده؟؟" و ابدأ فكر: إيه الأفكار اللى وصلتك لكده؟؟، و لو عايز كمان ،اكتب كل الأفكار اللى وصلتك للإحساس ده فى ورقة ،حتى لو بان فى البداية إن كل الأفكار دى مالهومش علاقة ببعض، لأن غالبا هيكون لهم علاقة ، و مهم قوى قوى انك تكون صادق مع نفسك و ما تضحكش على نفسك و اكتب بجد كلللللل الحاجات اللى فكرت فيها ، ده هيساعدك إنك تعرف إيه اللى ضايقك بالظبط، و زى ما بيقولو :"إدراك المشكلة يمثل 50% من حلها" لأنك لا يمكن تقدر تحل مشكلة و انت مش عارف هى إيه أصلا...، و بعد ما تكتبهم، امسك فكرة فكرة و فكر فى حل لكل واحدة فيهم لوحدها ،أو حتى طمن نفسك ، و اللى يساعدك على كده ،حيلة لذيذة قوى، و هى إنك تبص للمشكلة و تعتبر إنها مشكلة واحد تانى خاااااالص، صدقنى هتلاقى الحكمة كلها و العقل طلع، لإن لما حد بيلجأ لنا فى مشكلة مش بتاعتنا ،بنبص على المشكلة من برة و بتخرج من جوانا الذات الحكيمة، اللى ممكن جدا تكون ما بتطلعش لما احنا نفسنا نكون واقعين فى مشكلة
و زى ما بحب دايما إنى أشبهها للمتدربين : إن المشكلة بتبقى عاملة زى المتاهة، لو انت بتبص من جواها هتلاقى حيطة سد فى كل الاتجاهات، و لكن لو بصيت عليها من فوق (زى ألعاب المتاهة اللى فى كتب الاطفال، انك توصل الأرنب للجزرة اللى جوة المتاهة من خلال الفتحات الصغيرة اللى فى الحيطان) بتلاقى الموضوع أسهل بكتيييير و بتعرف الطريق جوة المتاهة بسهولة ، أهى أى مشكلة بتواجه البنى آدم بتبقى كده برضه، و أنسب طريقة علشان تطلع نفسك برة المشكلة هى إنك تتخيلها بتاعة حد تانى ، و ابدأ اكتب الحل جنب كل فكرة جات لك ،و لو عايز تحبكها قوى ،تصور و فكر فى نفسك إن الورقة اللى انت كتبتها دى بتاعة واحد أمله فيك كبييييرقوى (بعد الأمل فى ربنا سبحانه و تعالى) و إنه متعشم فيك جداااا و إن محدش هيعرف يحل له المشكلة دى غيرك.
و بكده،يبقى انت فكرت فى الأفكار اللى جات لك، و فكرت فى فرزها ، و فكرت إنها بتاعة واحد تانى، و فكرت كمان فى الحل....فكر ...يفكر...تفكيرا
جمييل أوي بجد ال انتي كتباه ده عجبتني جدا
ReplyDeleteبس المشكله أننا ممكن منعرفش نفصل بين أننا اصحاب المشكله
وبين لما نبصلها علي أننا ناس تانيين متوقف عليهم حلها
لأننا عارفين اصلا إننا اصحاب المشكله :)
لما بجي أفكر ف اي مشكله تخصني بححس عقلي قافل اصلا
علي إنها مشكلتي أنا لو بصتلها شوية كده ولقيت حل
بعد شوية بلاقي التانيه ال جوايا صاحبه المشكله بتطلع
وتلغي الحل وتعمل حل جديد يناسب إحساسها بالمشكله
بصي عشان مطولش اصل انا بدأت أحس أن انا مجنونه
ههههههههههه بس بوست جااااااامد جداً وعجبني جداً
وعجبتني أوي فكرة المتاهة لما نبص عليها من فوق
تحياتي ليكي ياقمرر ,,,
ربنا يكرمك، ماتتصوريش قد إيه أنا سعيدة إن البوست عجبك، و باين عليكى شخصية عسووولة قوىىى ، و على فكرة ، اللى قولتيه بخصوص ان ممكن ما تعرفيش تفصلى، ده بيحصل كتير و علشان تعرفى تفصلى بشكل أفضل،قوليها بالكلام، يعنى مثلا:لو انت حاسة انك مخنوقة شوية، قولى لنفسك : طب لو جات لى صاحبتى و فالت لى :أنا مخنوقة يا قلب أرهقته الأحلام قولى لى أعمل إيه؟ ، هتلاقى نفسك بتردى عليها بتلقائية و تقولى لها:" و الله يا حبيبتى ما فيه حاجة مستاهلة..احنا احسن من غيرنا...و إيه رأيك لو نخرج مع بعض و نغير جو؟؟؟" يعنى بجد بجد لما تعودى نفسك على الموضوع ده هتتفاجئى من النتائج، أما بخصوص انك بعد ما بتلاقى الحل ، التانية اللى جواكى صاحبة المشكلة بتطلع، فخلى بالك، هنا بقى ده الحوار ما بين اللى جوة المتاهة و اللى المواضيع مسدودة قدامه و بين اللى شايف من فوق و الأمور قدامه واضحة، شوفى بقى هتقررى تسمعى كلام مين؟؟؟؟
ReplyDeleteيا رب أكون أفدتك ، و أتمنى تقرى البوستات التانية و تقولى لى رأيك ، و بجد بجد أنت منووووورة المدونة، أشوفك قريب يا جميلة :))
ياااه
ReplyDeleteبجد أد إيه إنتي جميلة
ده احساسي دلوقت
كتلة من الاحباط اللا متناهي
عشان مش عارفة أحقق ذاتي و طموحاتي
هحاول مع نفسي تاني
وبرده عشان خاطرك
: )
بجد بشكرك من قلبي
زقطـوطـة
ReplyDeleteاللى بيشوف فى الناس الجمال، فده دليل على إنه هو جميل جدااا، ربنا يكرمك و يعزك
و بجد إوعى تستسلمى للأفكار السلبية ، و ارشدى نفسك و (طبطبى عليها)، وصدقينى إن كل إنسان عنده تحدى، لما بيدوّر جواه كويس ، بيعرف يحل التحدى ده و يتعلم منه كمان،.... فحاولى لغاية لما توصلى و بإذن الله تحققى طموحك و تثبتى ذاتك
و مع إنى سعيدة إنك هتحاولى علشان خاطرى،إلا إنى هاكون أسعد لما تحاولى علشان خاطر أقرب إنسانه ليكى.........إنت
(افتكرى دايما ..أنت القلب الكبير)
ربنا يوفقك دايما، و أنا اللى شاكرة تفاعلك و تشجيعك الجميل
جزاك الله خيرا
بجد مش لاقيه كلام أقوله غير راااااائعه مميزه جميييييييييله
ReplyDeleteكل شىء حلو بجد فيكي
وبجد بوست مهم وجميل جدااااااا
وعارفه إني دايما ردي بيكون خارج الموضوع
بس إللي فهمته إن الموضوع ليه علاقه بمواجهة مشاكلنا في الحياة
وإزاي نتصرف لما تفكيرنا بيقف عند ضغوط الحياه
ولو تسمحيلي أقول رأيي
من منا لا يتعرض لمشاكل اجتماعيه 00 نفسيه00
وطالما وجدنا على هذه الأرض فلابد من وجود مجتمعات وماذا يحدث داخل هذه المجتمعات 00 لا بد من اختلاط البشر والتعامل بينهم مما ينتج عنه احتكاك
بين فئات المجتمع او حتى افراد الأسرة الواحدة مما يؤدي الى وجود
مشاحنات او اختلاف في وجهات النظر بما يسمى بمشكله بغض النظر
عن كونها مشكله صغيرة او كبيرة000
فمن وجهة نظري أنه علينا أن نمتلك هذه النقاط حتى نستطيع أن نواجه أي مشكلةما
قوة الأيمان وسلامة العقيده
فتمسك الأنسان بدينه واداء الفروض واتباع اوامره واجتناب نواهيه00 وسلامة
عقيدته من البدع والخرافات تنجي الأنسان من الوقوع في كثير من المشاكل
ولنا في رسول الله صلى الله عليه وسلم اسوة حسنه، ففي الحديث الشريف
((ياغلام اني اعلمك كلمات: احفظ الله يحفظك، احفظ الله تجده تجاهك، اذا سألت
فا سأل الله ، واذا استعنت فاستعن بالله ، واعلم ان الأمة لو اجتمعت على ان
ينفعوك بشئ لم ينفعوك الأ بشئ قد كتبه الله لك، وان اجتمعوا على ان يضروك
بشئ لم يضروك الا بشئ قد كتبه الله عليك رفعت الأقلام وجفت الصحف )) رواه
الترمذي00 وليعتقد وليؤمن الأنسان بان ما اصابه لم يكن ليخطئه وما أخطأه
لم يكن ليصيبه0
والتفاؤل وعدم اليأس والقنوط من رحمة الله
كما نعلم جميع ان المؤمن انسان قوي بالله سبحانه وتعالى لا يعرف اليأس الى
قلبه طريق بل نجد ان الشدائد والمصائب تزيد من قوته وصلابته وكيف لا يجد
الأنسان الثقة والهدوء والطمأنينة وهو يقراء قوله تعالى (( واذا سألك عبادي
عني فأني قريب أجيب دعوة الداع اذا دعان فليستجيبوا لي وليؤمنوا بي
لعلهم يرشدون))
الصبر عند الشدائد والكوارث ونزول المصائب
صدقوني اخواني لا يوجد شئ مثل الصبر فهو من اعضم الصفات
وكما يقال ما بعد الصبر الا الفرج وقال تعالى :
(( والصابرين في البأساء والضراء وحين البأس اولئك الذين اتقوا وأولئك هم المتقون))0
وقال صلى الله عليه وسلم(( عجبا لأمر المؤمن ان أمره كله خير وليس ذلك لأحد
غير المؤمن ان اصابته سراء شكر وان اصابته ضراء صبر فكان خيرا له))
سبحانك ربي
التوافق مع النفس والتسامح مع الأخرين
انه لا يوجد مجتمع في العالم باسره مثل المجتمع الأسلامي فمجتمع المسلمين
تعاون على البر والتقوي والتسامح هو النبراس الذي ينير لهم الطريق ويبعد
عنهم البغضاء والمشاحنه ويزيد المودة والمحبة بينهم
كذلك من قوة التوازن النفسي هو كظم الغيظ والعفو عن الناس
وقال تعالى ((ولا تستوي الحسنة ولا السيئة ادفع بالتى هي احسن فاذا الذي
بينك وبينه عدواة كأنه ولي حميم* وما يلقاها الا الذين صبروا وما يلقاها الا ذو
حظ عظيم))
وكذلك عليك بالمرونه في مواجهة مشاكل الحياة
عليك ان تفكر وتتعايش على ان هذا الأمر الذي حدث لك ربما يكون خيرا لك
وان الله ربما يعوضك خير منه0
قال تعالى (( وعسى ان تكرهوا شيئا وهو خير لكم، وعسى ان تحبوا
شيئا وهو شر لكم والله يعلم وانتم لا تعلمون))
ومره تانيه بعتذر لحضرتك على الإطاله وعلى خروجي عن الموضوع
وأتمنى لكِ مزيد من التميز والتوفيق في حياتك
إيمان أيمن
Eman Ayman
ReplyDeleteأنا بقى اللى مش لاقيه كلام أقوله:) ، ربنا يكرمك دايما و يبارك لك و يجعلنى عند ظنك الحسن
..................
و كلامك جميييييل و الله و مناسب جداااا مع الموضوع، و حقيقى مشاركاتك دى بتكون إضافة لى و للمدونة
و باكون سعيدة جداااا بكلامك و طريقة تفكيرك
ما شاء الله عليكى
و مرة تانية .... ماتعتذريش ، و طوّلى زى ما انت عايزة
ربنا يوفقك و يحميكى من كل سوء
https://saglamproxy.com
ReplyDeletemetin2 proxy
proxy satın al
knight online proxy
mobil proxy satın al
LLAT