Monday 21 September 2009

أيام سعيدة و عادة جديدة


السلام عليكم و رحمة الله و بركاته


كل عام و أنتم بكل خير و إلى الله أقرب

تقبل الله منا و منكم رمضان بإذن الله


و فى خاطرة سريعة كده بهذه المناسبة، أحب أذكر إن

علماء التنمية البشرية أكدوا على إن الانسان ليكتسب عادة جديدة ،فلا بد له أن يمارسها لمدة واحد و عشرين يوما متصلين ، و لو عايز يأكّد على العادة دى قوى، يبقى يزوّد أسبوع كمان، يعنى إجمالا يوصلو ثمانية و عشرون يوما متصلين


و دلوقتى بعد ما انتهى رمضان وكان تسعة و عشرين يوما يحاول الإنسان فيهم أن يكون أفضل ، و اكتسب العديد من العادات المفيدة ، سواءا العادات دى كانت قراءة قرءان أو حفظ للسان أو أو


فمن السهل بإذن الله الحفاظ على العادات دى بعد انتهاء رمضان إذا عزم الانسان على ذلك


فانظر لرمضان أنه كان فترة من التدريب الربانى لتكون أفضل بعده، فقم بإدخال و لو عادة واحدة جديدة و مفيدة فى حياتك تعلمتها و تعودت عليها فى رمضان السابق


و أذكر نفسى و إياكم بالآية الكريمة

{ يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ }

[ البقرة : 183 ].


فالهدف من رمضان أن نتقى الله بعده ، أفضل مما كنا قبله


و من أسهل التعريفات للتقوى هى أن (يجدك الله حيث أمرك و لا يجدك حيث نهاك) ، فنسأل الله أن يوفقنا لذلك جميعا بإذن الله


و كل عام و أنتم بخير و بتقوى

69 comments:

  1. كل عامـ وانت بخير دكتوره ..

    ربنا يكرمك علي الكلمتين دول

    ربنا يثبتنا علي فعل الخيرات وترك المنكرات ..

    دمت بكل خير

    ReplyDelete
  2. فرااااااااشة
    كل سنة وانتى طيبة
    حمدلله عالسلامة
    والله وحشانا خالص

    ربنا يتقبل مننا بإذن الله كل اللى عملناه فى رمضان
    وشكرا عالبوست الجميل ده

    وحمدلله عالسلامة

    منورة بلوجر كله

    ReplyDelete
  3. السلام عليكم
    أخبارك ايه يادكتور؟
    كل سنة وانتى طيبة
    التوبك هايل وفعلا رمضان فرصة
    ربنا يسعد أيامك دايما
    مستنى موضوع الشهر الجديد لمجلة ميكانو

    ReplyDelete
  4. كل سنه وانتى طيبه
    وعيد سعيد يا دكتوره
    كل سنه وانتى طيبه

    ReplyDelete
  5. كل سنة وانتى طيبة
    عيد سعيد عليكى وعلى الاسرة الكريمة
    رب رمضان هو رب الشهور كلها
    جزاكم الله خيرا على التذكرة ولفت الانتباه

    ReplyDelete
  6. متفق معاكِ جدا يا دكتورة
    بكن اكتساب العادة فى رمضان سهل جدا الاستمرار عليها بعد رمضان صعب شوية
    ولكن الثبات على مدوامة العادة فترة بعد رمضان يمنحنا القوة على الاستمرار عليها


    ربنا يمنحنا القوة ونكون ربانيين ولسنا رمضانيين

    ReplyDelete
  7. السلام عليكم
    كل سنة وانت طيبة
    نفس استمر في قراءة القراء وصلاة الفجر
    بس عشان اصلي الفجر لازم اسهر طول الليل

    مش مشكلة يعني انا ورايا ايه
    دمتي بحب وود

    ReplyDelete
  8. السلام عليكم

    كل سنه وانتى طيبه يا حبيبتى

    ربنا يسعدك ويوفقنا جميعا ويعينا على الطاعه

    تقبلى تحياتى

    فى حفظ الله

    ReplyDelete
  9. السلام عليكم و رحمة الله و بركاته

    نهى الجميلة
    حمدلله على سلامتك و بجد انتى كمان وحشتينى خااالص

    اولا كل سنة و انتى طيبة
    و يارب يكون العيد عيد سعيد عليكى

    ثانيا ربنا يكرمك بجد على البوست
    لو نتفكر فى حكمة ربنا من كل شئ فرضه علينا هنلاقى حياتنا كلها جميلة جدا


    تحياتى يا جميلة

    ReplyDelete
  10. تصدقى فعلا معاهم حق:)
    وكل سنة وانتى دايما جميلة وبتفيدينا بكلماتك الرائعة

    ReplyDelete
  11. عــــــــــيـــــد فـــــطــــــر مــــبـــــــــــاركــ
    كــــــــــــل عـــــــــــــــام وأنـــــــــــــتــــــى بـــألـــــف خــــــيـــــر

    ReplyDelete
  12. ربي يرزقنا تقواه وحبه والتقلب دوما ما بين الخوف والرضى ...صحيح يا فتاتي لابد لنا من الخروج من الرمضان فائزين بتقوى الله فهذا هو بيت القصيد من صوم ثلاثون يوما لله عز وجل....رزقك الله الفهم والعلم وحب الله .

    ReplyDelete
  13. السلام عليكم
    أشكرك على زيرتك الطيبة
    وكل عام وحضرتك إلى الله اقرب
    وبالفعل يجب على الإنسان أن يمارس العادة المفيدة تمانى وعشرين يوماً حتى يتعود عليها
    وأشكر حضرتك على الموضوع الرااائع
    وتقبلِ مرورى

    ReplyDelete
  14. الابنة الحبيبة الدكتورة نهى
    عيد مبارك عليكى وتقبل الله منا ومنك صالح الاعمال
    وبجد تفسير علماء التنمية فى محله
    وفى رمضان كمان تقوى ملكة مراقبة الله فى السر والعلن
    وهذه من اهم الاشياء التى يجب الحفاظ عليها
    تحياتى

    ReplyDelete
  15. يارب فعلا نقدر نستمر
    كل سنه و انتى طيبة
    ^_^

    ReplyDelete
  16. كل عام وانتي بخير ويعيده عليكي وعلينا بالصحه واليمن والبركات

    ReplyDelete
  17. اللي عيد ميلاده في شهر سبتمبر يقول :
    أناااااااااااااااااا

    أو يعرف حد مننا عيد ميلاده في سبتمبر


    ويكتب يوم كام في شهر سبتمبر




    هنا حفلة كبيرة جدااااااااااااااا

    ReplyDelete
  18. السلام عليكم
    اولا انا بكون مبسوطة اوى وانا فى مدونة حضرتك
    يعنى بستمتع بالكلام الجميل وبستفاد كمان وانا اول مرة اشوف مدونة كدة بجد
    انا بجد سعيدة اوىىىىىىىىىىى
    ثانيا بقى
    انا مش عارفة اشكر حضرتك ازاى لانى عندى عادات كتييييييرة اوى نفسى اتعود عليها وكنت هبدا اتعود عليها من انهاردة
    وانا كان عندى مشكلة انى كل ما اتعود على حاجة انساها
    وحضرتك دلوقتى ساعدتينى اوىىىىىىىىى بجد وحمستينى جدا
    بجد متشكرة
    وكل سنة وحضرتك طيبة
    وعيد سعيد يارب
    ويسلملى مرور حضرتك الجميييييل اوى دة ويارب دايما منورانى
    سلاااااااااااام

    ReplyDelete
  19. الله ينور عليكى ...مفيده قوى معلومة التنميه البشريه

    عارفه اكيد هتفيدنى جدا مع ابنى


    ربنا يكرمك على المعلومه الجميله دى

    وايام مباركه عليكى يا جميله

    ReplyDelete
  20. ازيك يا دكتورة
    وكل سنة وانتى طيبة دايما يارب
    وبخير اللهم امين يارب العالمين

    المعلومة دى جميلة اوى بجد حسيتها كتير اوى بعد رمضان بس الاهم ما فى الموضوع هو المكان المحيط بالشخص نفسه طبعا كل بنى وله القدرة والارادة بس الانسان ضعيف بطبيعته

    ReplyDelete
  21. كل عام وانتم بخير

    ReplyDelete
  22. تدوينه رائعه ومفيه لإكتساب العادات الحميده طبعاً
    جزاكِ الله كل خير
    وكل عام وحضرتك بخير حال

    ReplyDelete
  23. كل سنة وحضرتكـ طيبة واسعد الله أيامك بفيض رضاه ونور هداه وباركـ بعمرك إلي يوم تلقاه

    ReplyDelete
  24. كل سنه وانتى طيبه وعيد سعيد

    ReplyDelete
  25. كل سنة وانتى طيبة يا دكتورة تقبل الله منا و منكم صالح الاعمال

    دمتى بكل خير و طاعة لله

    ReplyDelete
  26. ghorBty
    =======
    و انت بكل خير يا رب
    ربنا يعزك و يكرمك

    آمين يا رب ، اللهم يا مقلب القلوب ثبت قلوبنا على دينك

    سعيدة بتواجدك
    جزاك الله خيرا

    ReplyDelete
  27. Mo7ammed
    =========
    ربنا يكرمك

    و حضرتك طيب و بالخير دايما
    الله يسلمك، ربنا يعزك و يكرمك، كنت متوقفة بس فترة شهر رمضان

    آمين يا رب ، ربنا يتقبل منا و منكم و يثبتنا على ما يحبه و يرضاه

    الله يسلمك ، شكرا على استقبالك الحافل أخى الكريم ، ربنا يعزك و يكرمك دائما

    جزاك الله كل خير

    ReplyDelete
  28. mohamed ghalia
    ==============
    و عليكم السلام و رحمة الله و بركاته

    الحمد لله ، أشكر حضرتك على سؤالك و يارب تكون بكل خير

    و حضرتك طيب و بالصحة و السلامة

    فعلا رمضان فرصة و نعمة عظيمة نحمد الله عليها

    آمين و إياكم يا رب

    و أرسلت لحضرتك بالفعل موضوع الشهر الجديد، أتمنى يكون وصل لحضرتك، ربنا ينفعنا و ينفع بنا و يستخدمنا فى الخير

    جزاك الله خيرا

    ReplyDelete
  29. THE illusionist
    ===============
    ربنا يكرمك

    و حضرتك طيب و بالصحة و السلامة
    و يارب يكون أيامك كلها خير و سعادة فى طاعة لله
    إن شاء الله
    و انت طيب و بكل خير

    جزاك الله خيرا

    ReplyDelete
  30. مسدس صغير
    =======
    و حضرتك طيب و بكل خير يارب

    آمين ، و إياكم إن شاء الله

    فعلا، ربنا يجعلنا نعبده و كإن السنة كلها رمضان

    جزانا و إياكم ، ربنا يثبتنا على الطاعة و فعل الخيرات و ترك المنكرات

    جزاك الله خيرا

    ReplyDelete
  31. د/عرفة
    ======
    أهلا بحضرتك يا دكتور، يا رب تكون فى أحسن حال

    و فعلا اكتساب العادة سهل فى رمضان سبحان الله ، أما الاستمرار بعد رمضان فإذا سألنا الله الإعانة و عزمنا على ذلك فبإذن الله نقدر، صحيح مش بنفس الكمية و لكن و لو عادة واحدة جديدة مع الاسمرارية

    (خير الاعمال إدومها و إن قل)
    فحتى لو حاجة قليلة بس نداوم عليها

    و نسأل الله أن يعيننا جميعا على ذكره و شكره و حسن عبادته

    "ربنا يمنحنا القوة ونكون ربانيين ولسنا رمضانيين"

    آمييين يا رب العالمين

    جزاك الله خيرا

    ReplyDelete
  32. ذكرى رحيل قلم
    =============
    وعليكم السلام و رحمة الله و بركاته
    و انت طيبة يا رب و بكل خير

    ربنا يعينك و يعيننا جميعا على حسن عبادته

    "بس عشان اصلي الفجر لازم اسهر طول الليل

    مش مشكلة يعني انا ورايا ايه "

    :) :)
    حبيبتى ربنا يقويكى و يقوينا و يحببنا فى الطاعة

    دمت بخير و حب

    جزاك الله خيرا

    حبيبتى ربنا يقويكى و يقوينا على صلاة الفجر،

    ReplyDelete
  33. ليس فقيرا من يحب
    ==============
    و عليكم السلام و رحمة الله و بركاته

    حبيبتى و انت طيبة و بكل خير يا رب

    آمييين و إياكم يا رب إن شاء الله

    ربنا يعزك و يكرمك
    سعيدة بتواجدك الجميل

    جزاك الله خيرا

    ReplyDelete
  34. كل سنة و انتي طيبة يا دكتورة
    و كل سنة و كل اللي بتحبيهم طيبين و بخير
    و ربنا يجازيكي كل خير و كل الخير
    و ربنا يجعلنا دائما من المستغفرين الشاكرين المواظبين على طاعته و ان يجمعني بيكي في الجنة
    اللهم امين

    ReplyDelete
  35. Soul.oOo.Whisper
    ================
    و عليكم السلام و رحمة الله و بركاته

    ربنا يكرمك يا رب انت الأجمل ، و سعيدة جدا جدا بوجودك الجميل

    و انت طيبة و بخير

    أشكرك يا حبيبتى، و فعلا الواحد كل ما يعرف أكتر، كل ما يفهم جزء من حكمة ربنا سبحانه و تعالى فى حاجات كتيير فى حياتنا

    الحمد لله على نعمة الإسلام العظيم، و نسأل الله الثبات على دينه، وأن يعلمنا و يرزقنا الحكمة

    تحياتى لك ، و جزاك الله خيرا

    ReplyDelete
  36. موناليزا
    ========

    و انت طيبة يا موناليزا يا رب ، أشكرك يا حبيبتى ربنا يكرمك و يعزك دايما

    جزاك الله خيرا

    ReplyDelete
  37. بسنت صلاح الدين
    ==============

    ربنا يكرمك و انت و اسرتك الكريمة بكل خير و سعادة و طاعة إن شاء الله

    سعيدة بتواجدك الجميل
    جزاك الله خيرا

    ReplyDelete
  38. كلمات من نور
    =============

    آمين يا رب العالمين

    و فعلا الهدف هوالتقوى ، اللهم اجعلنا جميعا من عباده المؤمنين المتقين المخلصين الصالحين المصلحين

    آمين يا رب و إياكم إن شاء الله

    أشكر حضرتك على تواجدك و دعائك الجميل
    أدام الله لك الأيام بكل خير إن شاء الله

    جزاك الله خيرا

    ReplyDelete
  39. اللؤلؤة
    =======
    و عليكم السلام و رحمة الله و بركاته

    و حضرتك و الأسرة الكريمة بكل خير إن شاء الله

    العفو، ربنا يكرم حضرتك و يعيننا جميعا على حسن العبادة

    جزاك الله خيرا

    ReplyDelete
  40. أم مالك
    =======
    أهلا بحضرتك ، و دائما يارب تسعيدينى بتواجد حضرتك الجميل

    آمين يارب منا و منكم بإذن الله

    فعلا مع حضرتك حق جدا ، ربنا يكرم حضرتك، و يعزك

    جزاك الله خيرا

    ReplyDelete
  41. Sweet Violet
    ============
    و انت طيبة و بخير
    الحمد لله إنك بخير

    و يارب نقدر نستمر إن شاء الله

    سعيدة جدا بوجودك

    جزاك الله خيرا

    ReplyDelete
  42. أبو ضياء
    ========
    أهلا و سهلا بحضرتك فى أول زيارة ، و إن شاء الله يدوم التواصل

    و حضرتك بكل خير و صحة و أفضل حال بإذن الله

    جزاك الله خيرا

    ReplyDelete
  43. ميمى و أحمد
    ==========
    أهلا بكم فى أول زيارة

    الحقيقة عيد ميلادى مش فى شهر 9 و لكن فى يوم 9
    :)

    و كل سنة و انتم و كل مواليد شهر سبتمبر بخير و سعادة و إلى الله أقرب إن شاء الله

    أحييكم على الفكرة الجميلة دى

    كل سنة و انتم طيبين

    ReplyDelete
  44. yasmina
    =======
    و عليكم السلام و رحمة الله و بركاته

    ربنا يكرمك ،ده أنا اللى مبسوطة و سعيدة جدا جدا بوجودك الجميل ، ربنا يعزك

    العفو يا ياسمينة، أنا بجد مش عارفة أقول إيه قصاد كلماتك الجميلة الصادقة
    ربنا يعينك و يقويكى و تكتسبى كل العادات النافعة و تسعدى بها إن شاء الله

    و متتخيليش فرحتى بكلامك قد إيه، فى إن ربنا جعل المدونة سبب إنها تفرحك

    اللهم استخدمنا و لا تستبدلنا

    ربنا يكرمك و تكون أيامك سعيدة
    و إن شاء الله يدوم الواصل

    سعيدة جدا بتواجدك

    جزاك الله خيرا

    ReplyDelete
  45. This comment has been removed by the author.

    ReplyDelete
  46. mahasen saber
    =============

    ربنا يكرمك ،أشكرك
    أتمنى إنها تفيدك بإذن الله

    أشكرك ، ربنا يعزك و يبارك لك فى ابنك و ينبته نباتا حسنا و يكون قرة عين لك إن شاء الله

    سعيدة جدا بتواجدك الجميل، و يجعل أيامك كلها خير بإذن الله

    جزاك الله خيرا

    ReplyDelete
  47. اسماء و احلام فى وجدانى
    ===================
    الحمد لله ربنا يكرم حضرتك، أتمنى إنك تكون بخير و فى أفضل حال

    و حضرتك طيب و بكل خير

    مع حضرتك حق إن البيئة المحيطة بالانسان لها دور كبير،و علشان كده مهم إن الانسان يحيط نفسه بصحبة صالحة تساعده و تقويه ، و إذا ما أمكنش الحصول على الصحبة دى -أو حتى أمكن- فمهم ان الانسان يأنس بالقرءان ،بإنه يقرؤه و يشوف هو مكانه إيه من الآية دى و يقدر يطبقها إزاى، ساعتها حقيقى حقيقى الانسان هيقوى جدا جدا بإذن الله

    فبمنهج القرءان تحولت الناس من أمة ترعى الغنم إلى أمة ترعى الأمم

    و بعد ذلك بقراءة أفكار و سير العلماء و الناجحين حيلاقى إنهم كإنهم صحبته اللى بتعينه و هم بيشرحوا له أفكارهم و أفعالهم من خلال كتبهم

    ربنا يثبتنا جميعا على دينه و يجعل القرءان ربيع قلوبنا إن شاء الله

    سعيدة بتواجد حضرتك، ربنا يعزك و يكرمك

    جزاك الله خيرا

    ReplyDelete
  48. اقصوصة
    ======
    و انت بكل خير و صحة و سعادة

    أشكر مرورك الجميل و بإذن الله يدوم التواصل

    جزاك الله خيرا

    ReplyDelete
  49. واحد من العمال
    ==============
    أهلا بحضرتك

    جزانا و إياكم الخير إن شاء الله

    و أحيى حضرتك عن مدوناتك الاكثر من رائعة
    ربنا يكرم حضرتك

    و حضرتك بخير حال بإذن الله

    جزاك الله خيرا

    ReplyDelete
  50. مواطن شووجااع
    ==============
    آمين ، و إياكم بإذن الله

    أهلا بحضرتك فى أول زيارة للمدونة

    أشكر حضرتك لمرورك و دعائك الكريم

    جزاك الله خيرا

    ReplyDelete
  51. لاسع أفندى
    =========

    وحضرتك طيب و بكل خير و عافية إن شاء الله

    تقبل الله منا و منكم

    جزاك الله خيرا

    ReplyDelete
  52. akeed
    =====
    و حضرتك طيب و بكل خير

    آمين يا رب ، تقبل الله منا و منكم إن شاء الله

    جزاك الله خيرا

    ReplyDelete
  53. dodoo
    =====
    و انت طيبة و بخير انت و اسرتك يا رب

    آمين يا رب ، جزانا و إياكم ربنا يكرمك

    آمين آمين، أشكرك لدعائك الجميل الكريم و بإذن الله نكون رفقاء النبى محمد صلى الله عليه و سلم فى أعلى درجات الجنة إن شاء الله

    دمت بخير و سعادة فى طاعة

    جزاك الله كل خير

    ReplyDelete
  54. السلام عليكم ورحمه الله وبركاته
    ازيك يا دكتوره نهى
    كل سنه وانتى طيبه مع انها جايه متاخره شويتين
    بس نعمل ايه بأه ظروف المواصلات جت كده
    ربنا يعيد عليكى الايام بفرح وسعاده دائمين متصلين يارب

    ReplyDelete
  55. زيارة أولي لمدونتك الرائعة

    كل سنة وحضرتك طيبة وربنا يتقبل منك رمضان

    تقبلي تحياتي

    ReplyDelete
  56. كل سنه وانتى بخير

    وفعلا التكرار بيثبت الشئ
    خاصه لو كان روحانى ومتعلق بالعبادات

    دمتى بخير

    ReplyDelete
  57. كل سنه و انتي طيبه يا دكتوره نهى و يا رب يعوده عليك و علينا بخير ان شاء الله

    انا بصراحه مش عارف اقولك ايه ، يمكن انتي من اكتر الناس اللي كانت بتيجي عندي تطمني عليا و على المدونه و انا للأسف مكنتش بقدر اجي هنا خالص ، يا ريت تعذريني معلش ، حقيقي عندي ظروف و هى للأسف لسه مستمره بس انا بحاول الاقي اي وقت كده و ازور الناس اللي بحبها و احط حاجه كده على المدونه ...

    و صحيح بما ان حضرتك الوحيده اللي كنتي مهتمه اوي بامتحاناتي و بالنتيجه فالعبد لله الحمد لله عدى السنه على خير و حلونا من انتساب إلى انتظام و قدرنا نجيب جيد ...... نحمد الله .

    اشوفك على خير دايماً بإذن الله .

    ReplyDelete
  58. واحشاني جدا
    وكل ماجي أكتبلك كومنت
    تتفتحلي صفحات كتيرة و حاجات غريبة
    والإكسبلورر يهنج
    وألاقيني بره
    !!!!!!!!!!!!
    كل سنة وإنتي طيبة
    فعلا واحشاني

    ReplyDelete
  59. جزاك الله خيرا

    وأدام الله على كل مسلم ومسلمة القيام والصيام والركوع والسجود بعد رمضان اللهم أمين

    ReplyDelete
  60. العدد الجديد نزل
    http://www.mikanoo.com/

    ReplyDelete
  61. موضوع أكثر من رائع جزاكم الله خيرا

    ReplyDelete
  62. روح طفلة
    =======
    و عليكم السلااااااااااام و رحمة الله و بركاته

    الحمد لله على سلامتك

    أنا الحمد لله بخير، و الحمد لله انك بخير

    و انت طيبة و بالصحة و السلامة
    سعيدة برجوعك
    نورتى بلوجر
    :)

    ReplyDelete
  63. Yusuf
    =====
    أهلا أهلا بحضرتك
    أشكرك على تشجيعك، و بإذن الله يدوم التواصل

    و حضرتك طيب و بكل خير، تقبل الله مناو منكم إن شاء الله

    تحياتى لحضرتك
    جزاك الله خيرا

    ReplyDelete
  64. بسنت
    ====
    أهلا بيكى فى أول زيارة و بإذن الله يدوم التواصل

    و انت طيبة و بكل خير يا رب

    تقبل الله مناو منكم إن شاء الله

    تحياتى لك

    جزاك الله خيرا

    ReplyDelete
  65. عبد من عباد الله
    ==============

    و حضرتك طيب و بكل خير

    الحمد لله إن حضرتك بخير، و ربنا يعينك و يقويك بإذن الله على مشاغلك

    و ألف ألف مبروووك على النجاح و على التقدير، و بالتوفيق دايما و بإذن الله من حسن لأحسن

    أشكرك على مرورك بالرغم من مشاغلك و ظروفك، أعانك الله عليها و بإذن الله نسمع عنك كل خير

    بالتوفيق لك دائما
    دمت فى رعاية الله

    ReplyDelete
  66. زقطوطة
    ======

    أهلااااااا بيكى يا زقطوطة

    انت كمان وحشانى خالص

    أشكرك لمرورك الجميل اللى دايما بيسعدنى
    و اعتذر لك بالنيابة عن بلوجر عن الحاجات دى :) ، و فعلا معاكى حق ساعات بتحصل معايا فى مدونات تانية

    و انت طيبة بكل خير يا زقطوطة

    ReplyDelete
  67. أبو كريم
    ======
    جزانا و إياكم

    آمين يا رب ، اللهم ثبتنا على الخير دائما

    جزاك الله خيرا

    ReplyDelete
  68. mohamed ghalia
    ==============

    مبروك نزول العدد الجديد ، و ما شاء الله عدد متنوع جدا

    بالتوفيق دايما إن شاء الله

    ReplyDelete
  69. مجرد مدونة
    =========

    جزانا و إياكم

    ربنا يثبتنا و يعيننا على ما يحبه و يرضاه

    جزاك الله خيرا

    ReplyDelete